قبل ما أضبضب

ضايل 10 دقائق وبتسكر المكتبة ، الأعداد بتتناقص ، واللي درس درس واللي ما درس رح يلحق حاله بالبيت ، عندي امتحان بكرة في مادة تحليل الانشاءات ، وطبعاً ما حد يسألني ليش أو كيف! المهم اني عم بدرس وغايص بهالمصفوفات

غرناطة مشمسة اليوم ، بحبها هيك ، ما بلبقلها الغيم والغم ، لو انها وحدة كان بتكون ملونة، يعني ، شوية تخيل

هالأيام بسمع لماجدة الرومي والأغاني اللي بتنسمع ، يمكن لانو الناس هون عم بطلبوا مني أسميلهم أفضل الأغاني العربية ، ولأنو زي ما انتوا عارفين الموضوع مش بهالسهولة ، فعم بحاول ألملم أشياء كنت أحبها ، اكتشفت انو الأغاني اللي فعلاً بحبها ما بتتجاوز 30 أغنية ، شوية فيروز عماجدة، كاظم على عمرو دياب ، خلطة

عندي 3 أشياء مهمة هذا الاسبوع

1 - امتحان بكرة

2- presentation عن الطاقة المتجددة في الانلس أعوام 2007 حتى 2013

3- امتحان الاسباني يوم الجمعة

رن الجرس وبدو يطفوا الضواو ! سلام....تم